Ծնող լինելը հաճելի պատասխանատվությունից զատ տարբեր մարտահրավերներ է ենթադրում։ Ցավոք, մեզ որևէ տեղ չեն սովորեցնում ծնող լինել և հաճախ մենք պարզապես չգիտենք, թե այս կամ այն իրավիճակում  ինչպես է պետք  վարվել երեխաների հետ։

Կարևոր է իմանալ, որ, անհրաժեշտության դեպքում, հարկավոր է ժամանակին դիմել  աջակցության։

Ծնողի դպրոցի հոգեբան-մասնագետները կօգնեն՝

• Բարելավել ծնող-երեխա հաղորդակցումն ու ձևավորել ամուր կապ,
• ️Զարգացնել երեխաների հետ կապված բարդ իրավիճակներին (կամակորություններ, ագրեսիա և այլն) արդյունավետ արձագանքելու ծնողների հմտությունները,
• Ծնողներին տեղեկանալ երեխաների տարիքային զարգացման առանձնահատկությունների ու օրինաչափությունների մասին և դրանց համապատասխենցնել իրենց արձագանքները,
• Երեխաների հետ հարաբերություններում գծել առողջ սահմաններ,
• Հասկանալ ծնողների զայրույթի պատճառներն ու զարգացնել ինքնակառավարման հմտություններ️ը,
• Զարգացնել ծնողների ինքնախնամքի հմտությունները, կանխել նրանց հուզական այրումը,
• Ստեղծել երեխայի առողջ զարգացման համար բարենպաստ ընտանեկան մթոնոլորտ և այլն։

Ե՞րբ դիմել ծնողական խորհրդատվության․

• Երբ ցանկանում եք զարգացնել դրական և գիտակցված ծնողավարման Ձեր մոտեցումները,
• Երբ երեխայի զարգացման, վարքի և հոգեկան առողջության վերաբերյալ ունեք հարցեր,
• Երբ երեխայի հետ փոխհարաբերություններում ունեք դժվարություններ և ցանկանում եք բարելավել նրա հետ Ձեր հարաբերությունները։
• Երբ երեխան ունի հոգեբանական աջակցության կարիք, սակայն որևէ պատճառից ելնելով (հեռավորություն, երեխայի ֆիզիկական վիճակ և այլն) նրա հետ անհատական խորհրդատվական աշխատանք իրականացնելու հնարավորություն չկա։

Մենք չենք խոստանում  «պատրաստի լուծումներ»․ փոխարենը օգնում ենք գտնել այն ճանապարհը, որը համապատասխանում է հենց ձեր ընտանիքի արժեքներին ու կարիքներին։

Խորհրդատվությունները կարող են լինել առցանց կամ առկա ձևաչափով։

Ցանկալի է, որ ծնողական խորհրդատվությանը մասնակցեն երեխայի երկու ծնողները․ դա կօգնի ձևավորել միանման մոտեցումներ ծնողավարական տարբեր հարցերի շուրջ և ավելի արդյունավետ դարձնել երեխային տրվող արձագանքները։ 

Թող այս քայլը դառնա սկիզբը՝ ավելի գիտակից, հանգիստ և վստահ ծնող լինելու ճանապարհին։