Մեր ծրագրերը բովանդակության մեծ մասով անդրադառնում են նաև դեռահասների հետ հարաբերություններում հնարավոր բարդություններին և դրանք հաղթահարելու գործնական, արդյունավետ գործիքակազմ են փոխանցում մասնակիցներին։ Մեր ծրագրերով «կրթություն ստանալու» ձեր փորձառությունը խորքային և համապարփակ գիտելիքների ձեռքբերման ու ծնողավարման իմաստավորման բացառիկ հնարավորություն է, որը արդիական է ցանկացած տարիքի, անգամ դեռ չծնված երեխաների ծնողների համար։

Մենք նաև մշակել ենք հատուկ դեռահասների ծնողների համար դասընթացը։ Մանրամասներին ծանոթացեք մեր ծրագրերի էջում։

Եթե դուք միայն պլանավորում եք երեխա ունենալ կամ արդեն սպասում եք ձեր փոքրիկին, ապա դուք լավագույն ժամանակն եք ընտրել 🙂 Ընտանիքի պլանավորման կարևոր քայլ է նաև ծնողի դերի և առաքելության մասին գրագետ տեղեկացվածությունը, ձեր սեփական մանկական փորձի և ձեր ծնողների դաստիարակչական մոդելների վերլուծությունը, ծնողավարման ձեր սեփական՝ գիտակից ու դրական մոդելի ու նպատակների մշակումը։ Կարևոր բացահայտումների, զուգահեռների ու գիտակցումների լույսի ներքո դուք ինքներդ կպարզեք ձեր փոքրիկի դաստիարակության գործում ձեր ամեն բառի, քայլի, ժեստի, հայացքի, լռության կարևորությունը՝ լիարժեք և երջանիկ մարդ մեծացնելու ձեր գալիք առաքելության մեջ։

Շատ հաճախ թյուր պատկերացում կա, որ ծնողավարման դասընթացներն արդիական են միայն ֆիզիկապես և հոգեպես առողջ երեխաների ծնողների համար։ Հավատացեք, թեկուզ մի քիչ ավելի դժվարությամբ, բայց բոլոր այն գիտելիքները, հմտությունները, մեթոդները, որոնք մենք առաջարկում ենք մեր դասընթացներում, հնարավոր է օգտագործել նաև ոչ լիարժեք առողջ երեխաների հետ՝ հեշտացնելով նրանց հետ արդյունավետ, դրական, համագործակցության հրավիրող հարաբերություններ կառուցելու ձեր ջանքերը։

Բոլոր այն մասնագետները, որոնք գործի բերումով շփվում և հարաբերվում են երեխաների հետ, մեծապես կշահեն՝ մասնակցելով մեր ծրագրերին։ Դուք կգտնեք երեխաների հետ հաղորդակցվելու շատ օգտակար նմուշներ, և դասընթացների շրջանակում քննարկված նյութի մեծ մասը բացարձակ արդիական է նաև կրթական ու երեխաների զբաղվածության այլ հաստատություններում աշխատող մարդկանց համար։

Այո՛։ Մենք պարբերաբար կազմակերպում ենք նաև առանձին թեմատիկ հանդիպումներ, որոնց գրանցումը հայտարարվում է մեր Facebook և Instagram էջերում (փնտրեք մեզ @parentingarmenia անունով)։ Այս հանդիպումները ոչ միան փոխանցում են մասնակիցներին կարևոր տեղեկություններ և ծնողավարման հետաքրքիր և գործուն հմտություններ, այլև տալիս են պարզ պատկերացում մեր ամբողջական ծրագրերի մասին՝ օգնելու ձեզ կողմնորոշվել՝ որքանով դրանք ձեզ հարմար / հետաքրքիր են։

Բարձրացեք «Ընտրե՛ք Ձեր ծրագիրը» էջը և սեղմեք նկարների վրա՝ ծանոթանալու տվյալ ծրագրի մասին մանրամասներին։ Հարցերի դեպքում գրեք մեզ։

Հանդիպումները կազմակերպվում են շաբաթը երկուս կամ երեք անգամ։ Հանդիպումները տևում են 2-ից 3 ժամ։

Հանդիպումներից մեկը կամ երկուսը սովորաբար անցնում է աշխատանքային օրերին, երեկոյան ժամերին, երկրորդը՝ շաբաթ օրը առավոտյան կամ ցերեկային ժամերին։ Կիրակի օրերին հանդիպումներ չկան։

Դասընթացները անցկացնում են Ծնողի դպրոցում՝ Կոմիտաս 12 («Ամերիաբանկի» շենք), 1-ին մուտք։ Մեր կենտրոնում ստեղծված են բոլոր պայմանները՝ դասընթացներին և սեմինարներին ձեր հարմարավետ մասնակցության համար։

Եթե ձեր երեխան փոքր է (մինչև 1 տարեկան) և կարող է ձեզ հետ հանգիստ մնալ նույն տարածքում (կերակրվել, քնել, հանգիստ խաղալ), ապա դուք կարող եք գալ միասին։ Եթե ավելի մեծ տարիքի երեխա է (2.5 և ավելի), ապա մենք կարող ենք ապահովել ձեր երեխայի ժամանցը դասընթացի վայրում, հարակից սենյակում՝ լրացուցիչ փոքր վճարի դիմաց։ Իսկ եթե երեխան աշխարհի ակտիվ ճանաչման ու «փորձարկումների» փուլում է, և դժվար թե հանգիստ մնա ձեր կողքին կամ զբաղվի կողքի սենյակում, ապա մենք դժվար կարողանանք ապահովել նրա ժամանցը։ Մանրամասների համար գրեք մեզ։

Ոչ թե կարող եք, այլ խիստ ցանկալի է։ Երկրորդ ծնողի ներկայությունը բոլորովին այլ որակ կարող է տալ ձեր փորձառությանը դասընթացների ընթացքում և դրանցից հետո։ Դուք կարող եք նաև մասնակցել հատուկ զույգերի համար նախատեսված խմբերում, որտեղ վճարային պայմաններն այլ են (գործում է զեղչ)։ Դուք կարող եք հրավիրել նաև տատիկ-պապիկներին, հորաքույր-քեռիներին կամ այլ կարևոր մարդկանց, ովքեր ձեր ընտանիքում ազդեցիկ դերակատարում ունեն երեխայի դաստիարակության գործում։ Սակայն այս դեպքում ցանկալի է առանձին-առանձին մասնակցությունը։

Ոչ, մենք չենք իրականացնում կանխիկ գործարքներ։

Եթե դուք հնարավորություն չունեք կատարել վճարումը մեր կայքի առցանց վճարման համակարգի միջոցով, ապա դուք կարող եք դա անել ձեր առցանց բանկինգի միջոցով կամ այցելել ցանկացած բանկ և փոխանցել գումարը մեր տված տվյալների հիման վրա։ Մանրամասների համար գրեք մեզ։

Այո՛։ Դուք կարող եք փոխանցել վճարը երկու կեսով։ Մանրամասների համար գրեք մեզ։