1-3 տարեկանները փոքր են, սակայն՝ մեծ փոփոխությունների փուլում
1-3 տարեկան երեխաների շրջանը լի է արագ փոփոխություններով, նոր հմտություններով, ուժեղ հույզերով և ծնողի համար երբեմն բավական բարդ հարցերով։ Այս տարիքում երեխան սկսում է ավելի ակտիվ ճանաչել աշխարհը, արտահայտել իր հույզերը, ցանկությունները, փորձում է դառնալ ավելի ինքնուրույն՝ միաժամանակ կարիք ունենալով ծնողի ներկայության և աջակցության։
Հենց այս շրջանն է, երբ ծնողները հաճախ իրենց տալիս են բազմաթիվ հարցեր․
«Ամեն ինչ 1-3 տարեկանների մասին» դասընթացը նախատեսված է այն ծնողների համար, ովքեր ցանկանում են ավելի լավ հասկանալ իրենց երեխայի տարիքային առանձնահատկությունները, կառուցել ջերմ հարաբերություններ և ունենալ արդյունավետ գործիքներ առօրյա դժվար իրավիճակները հաղթահարելու համար։
Դասընթացի ընթացքում կանդրադառնանք 1-3 տարեկան երեխաների զարգացման հիմնական փուլերին, հուզական արձագանքներին, սահմանների ձևավորմանը, տարիքին բնորոշ որոշ կարևոր հարցերի, ինչպես նաև՝ ծնողի ինքնախնամքի հարցերին։
Այս հանդիպման ընթացքում կխոսենք այն մասին, թե ինչ առանձնահատկություններ ունի 1-3 տարեկան երեխայի զարգացումը, ինչ կարիքներ ունի նա այս փուլում և ինչպիսի ծնողավարման մոտեցումներ կարող են օգնել՝ ձևավորել ավելի անվտանգ ու վստահ հարաբերություններ։
Կանդրադառնանք, թե ինչպես արձագանքել երեխայի հույզերին, և ինչ գործնական քայլեր կարող են օգնել ծնողին նման իրավիճակներում մնալ ավելի հանգիստ և աջակցող։
Կխոսենք այն մասին, թե ինչ է իրականում կանգնած «չի լսում» վարքի հետևում, ինչպես կառուցել համագործակցություն երեխայի հետ և ինչպես դնել հստակ սահմաններ, բայց ոչ կոպիտ ձևով։
Այս հատվածում կանդրադառնանք 1-3 տարեկանին բնորոշ կարևոր անցումային փուլերին, որոնք հաճախ ծնողների շրջանում առաջացնում են անհանգստություն և հարցեր։ Կխոսենք բաժանման դժվարությունների, գիշերանոթին անցնելու և այս գործընթացներում երեխային աջակցելու մասին։
Դասընթացի կարևոր մասերից մեկը նվիրված է հենց ծնողին։ Կխոսենք ծնողական հոգնածության, գերծանրաբեռնվածության, սեփական հույզերի ճանաչման և ինքնախնամքի մասին, քանի որ երեխային աջակցելու համար ծնողն էլ աջակցության և ներքին ռեսուրսի վերազինման կարիք ունի։
Ի՞նչ կտա ձեզ այս դասընթացը
Դասընթացի արդյունքում դուք՝
Միացե՛ք «Ամեն ինչ 1-3 տարեկանների մասին» դասընթացին և ստացե՛ք գիտելիք, աջակցություն ու գործնական մոտեցումներ, որոնք օգտակար կլինեն ծնողավարման ձեր ամենօրյա ճանապարհին։
Քնի մասնագետը կխոսի փոքրիկների քնի կազմակերպման մասին՝ քնի ռեժիմի ձևավորումից մինչև քնի ծեսի կարևորությունը։ Կանդրադառնանք նաև գիշերային արթնացումներին, համատեղ քնի հարցին և քնի ռեգրեսներին։ Միաժամանակ կքննարկենք, թե ինչպես կարող են այս գործընթացների վրա ազդել նաև հոգեբանական գործոնները։
Երեխայի սնուցման խորհրդատուն կանդրադառնա այն իրավիճակներին, երբ երեխան սնվում է ընտրողաբար, և կուղղորդի, թե ինչպես աջակցել նրան առանց ավելորդ ճնշումների։ Կքննարկվեն նաև սեղանի շուրջ սահմաններն ու կանոնները, նաև այն, թե ինչպես կարող է սնունդը դառնալ երեխայի ինքնուրույնության ձևավորման կարևոր դաշտ։
Դասընթացը կայանալու է աշնան՝ սեպտեմբեր-հոկտեմբեր ամիսներին։
Օրերի մասին ստույգ տեղեկատվությունը կտեղադրենք ավելի ուշ։
ՀԱՆԴԻՊՄԱՆ ՀԱՐԹԱԿ՝ ZOOM
