Լիլիթ Գրիգորյանը լոգոպեդ, հատուկ մանկավարժ, դասընթացավար:

Ավարտել է Խ. Աբովյանի անվան Հայկական պետական մանկավարժական համալսարանի Տարրական կրթության և դեֆեկտոլոգիայի ֆակուլտետը՝ հատուկ մանկավարժի և լոգոպեդի որակավորմամբ։ Ունի շուրջ 17 տարվա աշխատանքային փորձ՝ կրթության առանձնահատուկ պայմանների կարիք ունեցող 2-18 տարեկան երեխաների և երիտասարդների հետ աշխատանքում:

Պրակտիկ աշխատանքին զուգահեռ իրականացրել է նաև ներառական կրթության, ՀՀ-ում կրթության առանձնահատուկ պայմանների կարիքի գնահատման գործընթացի, Ֆունկցիոնալության միջազգային դասակարգման և մի շարք այլ թեմաներով վերապատրաստումներ ՀՀ տարածքում տարբեր  ուսումնական հաստատությունների մասնագետների համար: Մասնակցել է բազմաթիվ տեղական և միջազգային մասնագիտական վերապատրաստումների: Հանդիսանում է մասնագիտական ձեռնարկների և հոդվածների համահեղինակ:

Աշխատում է «Լուսէ վերականգնողական կենտրոն» հիմնադրամում որպես լոգոպեդ: Աշխատում է «Ծնողի դպրոցում» և «Լիբրա» հոգեբանական աջակցության կենտրոնում՝ որպես լոգոպեդ 2021 թվականից մինչ օրս: Իրականացնում է լոգոպեդական խորհրդատվություն և ծառայություն (առկա և առցանց) խոսքային և ոչ խոսքային հաղորդակցման, մասնավորապես՝ խոսքի ընկալման, ինքնուրույն խոսքի, հնչարատաբերման, բառապաշարի, խոսքի քերականական կառույցների, ինչպես նաև գրավոր խոսքով պայմանավորված դժվարություններ ունեցող երեխաների հետ։ Անհրաժեշտության դեպքում աշխատում է նաև մանկական հոգեբանի հետ համակցված։

Ամուսնացած է, ունի մեկ երեխա։