Հոգեկան առողջությունը երիտասարդների հետ աշխատելիս

ՀՀ մարզերում երիտասարդների և դեռահասների հետ աշխատող անձանց գիտելիքի, կարողությունների և ինքնաջակցման հմտությունների զարգացման ծրագիր

Նպատակ

Դեռահասների և երիտասարդների հետ աշխատող մասնագետներին (երիտասարդական և համայնքային աշխատողներին) տրամադրել գիտելիքներ և հմտություններ դեռահասների և երիտասարդների հոգեկան առողջության, հոգեսոցիալական աջակցության, սթրեսին դիմակայելու, ինքնաջակցության և ինքնախնամքի վերաբերյալ։

Դասընթացը կօգնի մասնակիցներին ճանաչել դեռահասների և երիտասարդների՝  տարիքով պայմանավորված առանձնահատկությունները, տարբերակել տարիքային դրսևորումները հոգեկան առոջության դժվարություններից և խնդիրներից, զարգացնել տարբեր խնդիրների դեպքում հոգեսոցիալական աջակցության ցուցաբերման հմտությունները, բարելավել դեռահասների և երիտասարդների հետ աշխատող անձանց ինքնախնամքի, ինքնաջակցության և սթրեսային պայմաններում աշխատելու հմտությունները։

Ի՞նչ կտա դասընթացը

Ծրագիրը մասնակիցներին հնարավորություն կտա՝

• հասկանալ հոգեկան առողջության խնդիրները,

• գրագետ արձագանքել խնդիրներին և ուղղորդել դեպի համայնքային համապատասխան ծառայություններ,

• բարձրացնել սթրեսային պայմաններում աշխատանքի արդյունավետությունը, մասնագիտական այրման կանխարգելմանն ուղղված ինքնաջակցման ու ինքնախնամքի հմությունները զարգացնելու համար։

Դասընթացը լավագույն հնարավորությունն է հանդիպելու ձեր մարզում երիտասարդների հետ աշխատող այլ մասնագետների և կառույցների հետ՝ ծանոթության, փորձի և գաղափարների փոխանակման, սեփական նախաձեռնություններն ու աշխատանքը հարստացնելու համար։

Ծրագիրը մշակվել է «Ծնողի դպրոց» ՀԿ-ի հոգեբան-դասընթացավարների կողմից  դեռահասների և երիտասարդների հետ աշխատող անձանց համար:

Ովքե՞ր կարող են դիմել

• Երիտասարդական կենտրոններում աշխատող երիտասարդական  աշխատողներ

• Համայնքային կենտրոնների դեռահասների և երիտասարդների հետ աշխատողներ

• Երիտասարդական կազմակերպությունների անդամներ

• Մարզային երիտասարդական ծրագրերի թիմերի անդամներ

• Մարզերում դեռահասների և երիտասարդների հետ աշխատող մասնագետներ

• Ավագ դպրոցներում և համալսարաններում երիտասարդների հետ աշխատող մասնագետներ