Եկե՛ք միասին ստեղծենք հոգեկան առողջության մասին նյութեր

Դասընթացից հետո, հիմնվելով ձեռքբերած գիտելիքների և ամենակարևորը ձեր փորձի ու գաղափարների վրա, կվերհանենք հոգեկան առողջության ոլորտում ձեզ հետաքրքրող թեմաները, տեղեկատվական բացերը և ամենից շատ անհանգստացնող խնդիրները, կորոշենք դրանց լավագույնս արձագանքելու եղանակները և կսկսենք մշակել նյութերը՝ ՀԱՄԱՏԵՂ։ 

Նյութերի շուրջ քննարկումները կշարունակվեն առցանց (երբեմն էլ առկա) հանդիպումների տեսքով՝ ամիսը 1-2 անգամ՝ մինչև փետրվարի ավարտը։ Այդ քննարկումները կօգնեն վերանայել մշակվածը, շտկումներ և փոփոխություններ կատարել՝ մինչև որ մշակված նյութերը ձեր բոլորի կողմից հավանության արժանանան։

Շատ խրախուսում ենք դեռահասների կողմից նյութերի լիարժեք ինքնուրույն մշակումը (իսկ մասնագետները միշտ հասանելի կլինեն՝ օգնելու համար)։ 

Դեռահասների ծրագրին կարող եք մասնակցել, եթե․

• 13-17 տարեկան եք,

• Բնակվում եք Շիրակի, Լոռու, Տավուշի, Գեղարքունիքի, Վայոց ձորի, Սյունիքի մարզերից մեկում

• Սիրում եք ստեղծագործել, մշակել ու խմբագրել տեքստեր և դա ձեզ մոտ լավ է ստացվում,

• Ունեք ասելիք դեռահասների հուզական աշխարհի, հոգեբանական առանձնահատկությունների թեմաներով, տեսնում եք խնդիրներ և ցանկանում եք բարձրաձայնել դրանց մասին։

Դեռահասների մասնակցությունը ծրագրին կտա.

• նոր գիտելիքներ հոգեկան առողջության ոլորտում,

• կարևոր նյութեր ստեղծելու, նյութերի հեղինակ կամ համահեղինակ դառնալու հնարավորություն,

• կամավորական աշխատանքի փորձ և վկայական, որոնք կօգնեն բուհ կամ աշխատանքի ընդունվելիս,

• նոր ընկերներ, ծանոթություններ, կապեր, հետաքրքիր ու ուրախ ժամանց։

Ծնողների ծրագրին կարող եք մասնակցել, եթե․

• 0-18 տար․ երեխաների ծնող եք ԿԱՄ հենց ծրագրին մասնակցող դեռահասի ծնողն եք,

• Բնակվում եք Շիրակի, Լոռու, Տավուշի, Գեղարքունիքի, Վայոց ձորի, Սյունիքի մարզերից մեկում

• Ցանկանում եք օգնել մեզ դուրս բերել ծնողավարության, ծնողների բարեկեցության, հոգեկան առողջության ամենաարդիական թեմաները։

Տեխնիկական մանրամասներ.

• դասընթացին մասնակիցները ապահովվում են սնունդով, ինչպես նաև տրանսպորտով և գիշերակացով ըստ անհրաժեշտության․

• մասնակիցներն ընտրվելու են առցանց ծանոթացում-հարցազրույցի միջոցով․

• ծրագրի տևողությունը՝ նոյեմբերից փետրվար․

• ամբողջ ծրագրին մասնակցած դեռահասները ստանալու են կամավորական աշխատանքի վկայականներ և նվերներ՝ մեծ ու գեղեցիկ արարողության ժամանակ։

Գրանցվելու համար անցե՛ք այս հղումով կամ սեղմեք ստորև ԳՐԱՆՑՎԵԼ կոճակը և լրացրե՛ք կարճ հարցաթերթը։