Աստղիկ Նադիրյանը մանկական քնի առաջին հավաստագրված մասնագետն է Հայաստանում։ Կրթությունը ստացել է Family Sleep Institute USA-ում։ 2018 թվականից աշխատում է ծնողների հետ՝ օգնելով նրանց բարելավել փոքրիկների քունը՝ կիրառելով գիտականորեն հիմնավորված, մեղմ մեթոդներ։

Համագործակցել է ամերիկացի և ռուս մասնագետների հետ, ուսումնասիրել տարբեր մեթոդաբանություններ և մշակել մոտեցում, որը համատեղում է միջազգային լավագույն պրակտիկաները հայ ծնողների մշակութային առանձնահատկությունների հետ։ Հեղինակել է առաջին հայալեզու գրքերը քնի մասին՝ «Բարի գիշեր, փոքրիկ» և «Նանիկ արա, իմ բալիկ»։

Աստղիկի հիմնական նպատակը ծնողներին օգնելն է՝ ստեղծելու հանգիստ, կանխատեսելի և առողջ քնի ռիթմ՝ առանց կոշտ մեթոդների, ապահովելով թե՛ երեխայի, թե՛ ամբողջ ընտանիքի բարեկեցությունը։