Հոգեբան, դասախոս, դասընթացավար, ավարտել է ԵՊՀ-ի փիլիսոփայության և հոգեբանության ֆակուլտետը, ապա մագիստրատուրան՝ «Կլինիկական հոգեբանություն և հոգեթերապիա» մասնագիտացմամբ, և ասպիրանտուրան՝ «Տարիքային և մանկավարժական հոգեբանություն» մասնագիտացմամբ: Շուրջ ութ տարի աշխատել է որպես հոգեբան կրթական կառույցներում՝ ախտորոշիչ, խորհրդատվական և լուսավորչական աշխատանքներ իրականացնելով դեռահասների, նրանց ծնողների և մանկավարժների հետ: 2014թ.-ից դասավանդում է ԵՊՀ անձի հոգեբանության ամբիոնում: Վերջին 12 տարիների ընթացքում մշակել և իրականացրել է դասընթացներ հոգեբանության և ոչ ֆորմալ կրթության ոլորտներում՝ որպես դասընթացավար և վերապատրաստող՝ համագործակցելով տարբեր կազմակերպությունների հետ։ Գիտական հոդվածների հեղինակ է, գիտական հետաքրքրությունների շրջանակը առնչվում է մահվան, կորստի հոգեբանությանը։ Կարևորում է անձի շարունակական զարգացումն ու հավատում ներքին հնարավորությունների անսահմանությանը: Ամուսնացած է, ունի երկու որդի։