Երբ սուրճը դառնում է ամենօրյա փրկօղակ, իսկ գիշերները՝ անվերջ…

• եթե երեխայի քունը սկսել է ազդել քո հանգստության, էներգիայի և հոգեվիճակի վրա,
• եթե շրջապատից ստանում ես հակասական խորհուրդներ ու չգիտես՝ որն է ճիշտ,
• եթե ուզում ես հասկանալ փոքրիկիդ քունը և կառուցել առողջ քնի բնական ռիթմ,

ապա քնի խորհրդատուի հետ անհատական աշխատանքը կարող է դառնալ քո իրական աջակցությունը ու քո ողջ ընտանիքի կյանքի որակը զգալիորեն բարելավել։

Ո՞վ է մեր «քնի փերին»

Աստղիկ Նադիրյանը քնի հոլիստիկ խորհրդատու է, «Նանիկ արա, իմ բալիկ» գրքի հեղինակը։ Աստղիկը մանկական քնի առաջին  հավաստագրված մասնագետն է Հայաստանում, կրթությունն ստացել է ԱՄՆ-ի Family Sleep Institute-ում։ 2018 թվականից աշխատում է ծնողների հետ՝ օգնելով նրանց բարելավել փոքրիկների քունը՝ կիրառելով գիտականորեն հիմնավորված մեթոդներ։

Հոլիստիկ մոտեցումը նշանակում է նայել երեխայի քնին ոչ որպես արագ լուծվող խնդրի, այլ որպես ամբողջական համակարգի մաս՝
երեխայի տարիք, խառնվածք, ընտանիքի ապրելակերպ, ծնողների ֆիզիկական ու հուզական վիճակ և այլն։ Քունը կապված է կյանքի բոլոր ոլորտների հետ, և չկա մեկ համընդհանուր լուծում բոլորի համար։

Ի՞նչ սպասել խորհրդատվությունից

✕ Ոչ մի հրաշք մեթոդ կամ դեղահաբ
✕ Ոչ մի «3 օրում ամեն ինչ կլուծվի» խոստում
✕ Ոչ մի ճնշում կամ պարտադրանք

Փոխարենը՝

✔ Աջակցություն մորը
✔ Անհատական մոտեցում
✔ Իրական փոփոխություն՝ երեխայի բնական ռիթմին համահունչ

Քնի հոլիստիկ խորհրդատուն երբեք չի առաջարկի մեթոդ, որը հակասում է քո սկզբունքներին, արժեքներին կամ ներքին վիճակին։ Քո զգացողությունները կարևոր են։ Քո երեխան կարևոր է։ Քո ընտանիքի կյանքի ռիթմը կարևոր է։

Ինչպես է անցնում խորհրդատվությունը․

• Մինչ հանդիպումը լրացնում ես մանրամասն հարցաշար
  Սա թույլ է տալիս ժամանակ խնայել և հանդիպման ժամանակ աշխատել կոնկրետ խնդրի հետ։
• Ստանում ես անհատական առաջարկներ, հուշումներ, քայլեր
• Առաջին խորհրդատվության արժեքը՝ 20.000 դրամ, ամեն հաջորդ խորհրդատվության համար կստանաս 30% զեղչ։